Мемлекет басшылары мен шетелдік делегациялар RES 2026 EXPO халықаралық жасыл және тұрақты технологиялар көрмесіне барды

Мемлекет басшылары мен шетелдік делегациялар RES 2026 EXPO халықаралық жасыл және тұрақты технологиялар көрмесіне барды.

Қазақстан, Армения, Грузия, Қырғызстан, Моңғолия, Тәжікстан, Түрікменстан, Өзбекстан президенттеріне, сондай-ақ басқа да жоғары мәртебелі қонақтарға Орталық Азия елдері мен Әзербайжанның павильондары таныстырылды. Онда жасыл энергетика мен табиғи ресурстарды басқару саласындағы ұлттық басымдықтар көрініс тапқан.

Экспозицияларда экожүйелердің тұрақтылығын сақтау, қоршаған ортаны қорғау саласындағы ынтымақтастық және экологиялық мәселелерді шешудің жаңа тәсілдеріне ерекше назар аударылған.

Мемлекет басшыларына өңірлердің жеке бизнес өкілдерінің көрмелері де көрсетілді. Онда компаниялар жасыл энергетика, экологиялық орта қалыптастыру және қалдықтарды қайта өңдеу саласындағы өнеркәсіптік шешімдерін ұсынды.

Сондай-ақ «Жасыл даму» АҚ павильоны таныстырылып, онда тұрақты даму саласында жүзеге асырылып жатқан бастамалар мен жобалар көрініс тапты. Павильонды Басқарма төрағасы Ержан Сәрсенбай таныстырды.

Көрме 30 елден келген 240-тан астам қатысушыны және халықаралық серіктестердің кең ауқымын біріктіреді. Аумағында тұрақты даму саласындағы озық шешімдерді көрсететін 120-дан астам павильон орналасқан.

Көрме аясында халықаралық кездесулер мен сараптамалық пікірталастар өтіп, онда тұрақты даму мен экологиялық шешімдердің өзекті мәселелері талқылануда.
Бас демеуші -RBK Банктің қолдауымен.