бөлісу
«Таза Қазақстан» республикалық бастамасы аясында «Жасыл даму» акционерлік қоғамы Астана қаласының мүлік иелері бірлестіктері (МИБ) мен пәтер иелері кооперативтерінің (ПИК) өкілдерімен кеңес ұйымдастырды.
Кездесудің негізгі тақырыбы - EcoQolday цифрлық платформасының мүмкіндіктерін түсіндіру болды. Бұл платформа арқылы қала тұрғындары қағаз, пластик және әйнек қалдықтарын қайта өңдеуге өткізіп, қосымша табыс таба алады.
Бағдарлама тек қатты тұрмыстық қалдықтар көлемін азайтуға ғана емес, сонымен қатар халық арасында жаңа экологиялық мәдениетті қалыптастыруға бағытталған. EcoQolday арқасында тұрғындар қоршаған ортаға ұқыпты қарауға, айналым экономикасын дамытуға және қаланың тазалығын сақтауға үлес қоса алады.
«Біздің жұмысымыздың басым бағыттарының бірі – эко-мәдениетті қалыптастыру. Халық пен үй комитеттерін қалдықтарды бөлек жинау тәжірибесіне тарту бағдарламаның табысты болуындағы басты факторға айналады деп сенеміз», – деп атап өтті «Жасыл даму» АҚ өкілдері.
Кеңес барысында қатысушылар платформаны енгізудің практикалық тетіктерін, тұрғындарды ынталандыру мәселелерін және бағдарламаны кеңейту мақсатында алдағы ынтымақтастық жолдарын талқылады.
«Жасыл даму» АҚ тұрақты экологиялық бастамаларды дамыту бойынша жұмысын жалғастырады және EcoQolday жобасын іске асыруға барлық мүдделі тараптарды белсенді қатысуға шақырады.
EcoQolday
Төлемді тексеру
жүйеге кіру
