«Жасыл даму» акционерлік қоғамы ҚР Экология және табиғи ресурстар министрлігімен бірлесіп, пластикпен ластануға қарсы күрес жөніндегі жаһандық келісімді әзірлеуге арналған халықаралық келіссөздерде еліміздің атынан қатысты. Келіссөздер Швейцарияның Женева қаласында өтіп, әлемнің 170 елінен өкілдерді жинады.
Қазақстан делегациясы құрамындағы «Жасыл даму» АҚ мамандары пікірталастар мен жұмыс сессияларына белсенді қатысып, ел тәжірибесімен бөлісті, пластикалық қалдықтардың түзілуін азайту, жиналған ластануды жою және теңіз экожүйелерін қорғау бойынша ұсыныстар енгізді.
Кездесу қорытынды келісімге қол қойылмастан аяқталғанына қарамастан, халықаралық қоғамдастық бұл құжатты әзірлеу бойынша бірлескен жұмысты жалғастыруда. Қазақстан тарапынан келіссөздер процесіне өз үлесін қоса беріп, қайта өңдеу жүйесін дамыту және ұлттық деңгейде пластикпен ластануды азайту шараларын енгізу жалғасады.
бөлісу
EcoQolday
Төлемді тексеру
жүйеге кіру
