«Жасыл даму» АҚ аралас қаптамаларды қайта өңдеу мәселелері бойынша өткен кеңеске қатысты

«Жасыл даму» АҚ «Қазақстан ораушылар қауымдастығы» ЗТБ ұйымдастырған кеңеске қатысты. Іс-шара Zoom бейнеконференция форматында өтті.

Кеңесте негізгі тақырып ретінде аралас қаптамаларды, әсіресе «Тетрапак» түріндегі қаптамаларды жинау және қайта өңдеу мәселесі қаралды. Кеңестің мақсаты — бизнес өкілдері, салалық қауымдастықтар мен мемлекеттік органдар арасындағы ынтымақтастықты нығайту арқылы экологиялық өзекті мәселелерді шешу жолдарын қарастыру.

Өндірушілер мен импорттаушылардың кеңейтілген міндеттемелерінің операторы ретінде «Жасыл даму» АҚ бұл кездесуді орама қалдықтарын басқарудың тұрақты жүйесін қалыптастыру және қоршаған ортаға түсетін жүктемені азайту жолындағы маңызды қадам деп санайды.

Іс-шара барысында компания өкілдері тетрапактарды жинау және қайта өңдеу инфрақұрылымын жақсарту бойынша өз көзқарастарын таныстырып, нарық қатысушыларын экологиялық қауіпсіз шешімдерді енгізуге ынталандыру тетіктерін талқылады.